29 vjeccari nga Mitrovica, Dijar Xhema i cili u arrestua dy ditë më parë në Vlorë duke terrorizuar qytetarët ka mohuar lidhjet me ISIS.
Sakaq mësohet se avokati ka depozituar kartelën mjekësore ku sipas tij 29-vjeçari vuan nga çrregullime mendore. Ndërkohë që vet kosovari ka deklaruar se nuk ka lidhje me ISIS por ka qenë nën efektin e drogës kur ka tentuar të rrëmbejë 3 personat.
Dijar Xhema dy ditë më parë dhunoi tre persona duke thirrur “Allahu Akbar”, “Jam i dërguar i Allahut” dhe “Do ju vras të gjithëve”. Policia tha se ai tentoi të merrte peng tre persona në tre vende të ndryshme, brenda dy orëve. Nesër në orën 09:00 pritet të jepet edhe masa e sigurisë për Dijar Xhemën.
