32-vjeçari Arben Mema, i cili shkaktoi panik mesditën e sotme në sheshin “Skënderbej” ka deklaruar para autoriteteve se para se të shkonte të votonte ka blerë 5 gramë hashash, nga të cilat 2 i kishte pirë menjëherë.
“Para se të shkoja të votoja, vajta tek parku, aty bleva 5 gramë hashash, 2 i kam pirë menjëherë”, ka thënë ai.
32-vjeçari ka marrë një makinë me qira në Kamëz, dhe ditën e sotme kishte shkuar për të votuar në Kombinat, aty ku kishte dhe Qëndrën e tij të Votimit. Më pas, i është drejtuar zonës së Yzmerishtit në kryeqytet, ku ka përplasur dy makina, ndërsa interinari i tij ka vijuar me zonën e Freskut.
Edhe në këtë zonë, 32-vjeçari ka përplasur një makinë dhe më pas, nga atje, është drejtuar drejt sheshit “Skënderbej”, ku dhe u neutralizua nga kalimtarët e rastit. Mema ka pretenduar se nuk mban mend asgjë nga çka bërë më parë, ndërsa kujton vetëm momentin ku me makinën e marrë me qira, është gjendur në mes të sheshit.
Ndërkohë 32-vjeçari është shprehur se nuk mban mend se çfarë ka ndodhur, vetëm mban mend momentin e Sheshit Skënderbej. Ai thotë se të gjithë panikun që ka shkaktuar, ka qenë i pa përgjegjshëm për shkak të efektit të narkotikëve. Ndërkohë autoritetet vijojnë hetimet në lidhje me ngjarjen./Opinion.al
