Një ujk dyshohet të jetë “autori” i disa sulmeve që po ndodhin në zonën e Vastos në Itali.
Tre persona janë sulmuar nga ujku që po terrorizon zonën e Vastos në Itali që prej fillimit të verës, i cili dyshohet të ketë sulmuar edhe një qen të lidhur me zinxhirë në Palombaro në maj.
Sipas mediave italiane, mësohet se gjatë natës dy 20-vjeçarë dhe një 34-vjeçar janë sulmuar në gjymtyrët e poshtme në tre episode të veçanta, fatmirësisht pa pasoja të rënda.
Ndërsa ‘gjuetia’ vazhdon me përfshirjen e ekspertëve, patrullat, inspektimet, kërkimet me përdorimin e dronëve, kurtheve dhe kafazeve deri më tani nuk kanë dhënë rezultatet e dëshiruara.
Ekspertët në punë e kanë identifikuar më mirë rrugën që ndjek kjo kafshë, duke e konsideruar një sjellje anormale.
Ngjarjet kanë ndodhur natën mes të martës dhe të mërkurës. Sulmet ndodhën në bregdet, brenda një harku kohor prej gjysmë ore. Karabinierët po verifikojnë se bëhet fjalë për të njëjtën kafshë të egër.
Në qytet shpresohet që ekspertët e institucionit të Maiella Park të jenë në gjendje të identifikojnë rrugën në të cilën do të vendosen kurthet që do të lejojnë kapjen e sigurt të ujkut dhe largimin nga zona e Vastos.
Kafsha do të dërgohet në një zonë të autorizuar të kafshëve të egra, siç kërkohet nga protokolli i autorizuar ndërkombëtar./Opinion.al
