Salah Abdeslam, personi më i kërkuar në Botë mendohet se ka kaluar kufirin belg dhe tashmë ndodhet në Gjermani. Siç raporton “Dernier Heure”, ai është parë pranë qytetit Liege mbrëmjen e së dielës.
Sakaq, gazeta britanike “Sunday Times” shkruan se 26 vjeçari është parë një muaj më parë në një klub homoseksualësh, në qendër të Brukselit. “Ai merrte vazhdimisht drogë dhe luante me play-station. Ishte një djalë simpatik”, – shkruan Sunday Times,- “dhe i pëlqente të flirtonte me djem të tjerë, vecanërisht në zonën Sent Zhak, në zemër të Brukselit”.
Por sipas disa burimeve të cituara nga francezja “Le Libre”, objektivi i tij ishte t’u vidhte atyre dokumentet identifikuese për të vëllanë Brahim Abdeslam. Ky i fundit u vetëhodh në erë në kafene Comptoire Voltaire në Paris natën e sulmit terrorist të 13 Nëntorit.
