Shteti Islamik po planifikon të infiltrohet në ushtrinë gjermane. Alarmi vjen nga autoritetet ushtarake në Gjermani, që kanë marrë të dhëna se militantë të ISIS po tentojnë t’i bashkohen forcave ushtarake për të përfituar një stërvitje të posaçme për ta vënë në zbatim më pas në sulme terroriste.
Ushtria gjermane pritet të nisë një fushatë trjanimesh në Korrik të vitit të ardhshëm, që do të ndihmojë forcat e armatosura të luftojnë terrorizmin dhe kriminalitetin në vend.
Nisur nga ky shqetësim, Ministria gjermane e Mbrojtjes u ka bërë thirrje aplikantëve në këtë trajnim, të plotësojnë një formular special identifikimi, të hartuar nga shërbimet sekrete vendase.
Gjermania u bë shenjestër e disa sulmeve terroriste muajin e kaluar. Më 19 Korrik, një 17 vjeçar afgan plagosi me thikë disa persona në një tren në Ëurzburg. Pak ditë më pas një kamikaz u vetëhodh në erë pranë një feste verore në Bavari, por pa shkaktuar viktima. Të 2 sulmet u morën përsipër nga Shteti Islamik.
Tv Klan
