Një nga sulmet më vdekjeprurëse gjatë konfliktit midis grupit të Hamasit dhe Izraelit, ndodhi në një festival muzikor në Izrael, afër kufirit me Gazën.
Mijëra militantë të Hamasit sulmuan ngjarjen, duke vrarë civilë dhe duke marrë peng njerëz. Të paktën 260 trupa janë nxjerrë tashmë nga vendi, dhe shumë njerëz ende konsiderohen të zhdukur.
Hila Fakliro ishte një banakiere në Festivalin Supernova dhe tha për Sky News se sulmi filloi me raketa dhe pjesëmarrësit në festë vraponin për t’u mbrojtur.
Ajo shpjegoi se si u shtri në tokë për gjysmë ore para se të vraponte drejt makinës së saj në përpjekje për t’u larguar. Fatkeqësisht, oficerët e policisë kishin mbyllur një rrugë dhe ajo la makinën e saj për t’u fshehur.
“Kur u kthyem, pamë më shumë se 20 terroristë të veshur me rroba të zeza duke qëlluar gjithandej. Ishte si një poligon rosash. Ata thjesht po qëllonin të gjithë”, tha ajo.
Ajo përfundoi duke vrapuar për katër orë pa ujë dhe pa shumë shërbime celulare, derisa pa policët dhe ushtarët izraelitë. Teksa përpiqej të komunikonte me miqtë e saj, ajo pa një video të vrasjes së shoqes së saj në rrjetet sociale.
“Terroristët ishin ulur mbi të dhe e përdhunonin dhe shumë gjëra që unë nuk mund t’i them,” shtoi ajo.
Fakliro thotë se në mesin e të vdekurve nga sulmi në festival ishin 4 të njohur të saj, ndërsa me 2 miq të tjerë ka humbur kontaktet./Opinion.al
