Zv/ministrja e Brendshme, Rovena Voda ka përditësuar bilancin e punës për verifikimin e banesave të dëmtuara nga tërmeti.
Në një deklaratë për mediat ajo tha se deri tani janë inspektuar mbi 8000 ndërtesa . Ajo theksoi se ka vazhduar puna në disa bashki si Tirana, Durrësi, Kamza, Fushë-Kruja, Shijak dhe ende po punohet për verifikimin e të gjithë banesave të dëmtuara.
“Në Shijak, deri në orën 17:20, janë kryer 820 verifikime banesash 1-3 kate si dhe verifikime të 50 pallateve, ku 30 prej tyre rezultojnë të dëmtuara rëndë; Bashkia Durrës, 610 objekte të inspektuara, prej të cilave 237 rezultojnë të pabanueshme dhe 27 për t’u prishur; Bashkia Krujë, 46 objekte të inspektuara, 5 të pabanueshme”, tha zv/ministrja.
“Deri më sot, janë prishur 20 objekte të shkatërruara”, shtoi Voda.
Deklarata:
Vijojmë me përditësimin e të dhënave dhe bilancin paraprak të punës deri në orën 18:30 të ditës së sotshme në bashkitë Durrës, Krujë, Shijak, Kurbin, Tiranë, Kamëz, Vorë dhe Lezhë, sipas informacioneve që përditësohen me saktësi nga Qendra Kombëtare Operacionale e Mbrojtjes Civile, të cilët gjej rastin t’i falënderoj për punën e palodhur gjatë gjithë këtyre ditëve.
SHIJAKU
Në Bashkinë e Shijakut deri në orën 17:20 të datës 03/12/2019 janë kryer 820 verifikime të banesave 1 deri në 3 kate, si dhe verifikime të 50 pallateve, ku 30 prej tyre janë të dëmtuara rëndë.
PUNA NË TERREN
Ndërkohë, kemi një përditësim të bilancit paraprak të inspektimeve, si në vijim:
- Bashkia Durrës – 610 Objekte të inspektuara, 237 të pabanueshme, 27 për tu prishur;
- Bashkia Krujë – 46 Objekte të inspektuara, 5 të pabanueshme, asnjë për t’u prishur;
- Bashkia Shijak – 45 Objekte të inspektuara, 25 të pabanueshme, asnjë për t’u prishur;
Në rang qarku, 701 objekte të inspektuara
Vazhdon shembja e banesave të shkatërruara nga tërmeti në bashkinë Durrës, mbi bazën e vendimeve të këshillit bashkiak, sipas vlerësimit teknik zyrtar të ekspertëve. Deri më sot, ora 18:30, janë prishur 20 objekte të shkatërruara, 8 objekte në qytetin e Thumanës dhe 12 objekte në Durrës.
Grupet e punës në terren:
- Durrës 22
- Krujë 6
- Shijak 6
STREHIMI
FA kanë angazhuar 334 forca dhe rreth 100 mjete për ngritje çadrash e menaxhim kampingjesh, pritje e shpërndarje ndihmash dhe shoqërim të ekipeve të ekspertëve.
SHËRBIMI SHËNDETËSOR
Lidhu me shërbimin shëndetësor për qytetarët e lënduar si pasojë e tërmetit, aktualisht janë 18 pacientë që vijojnë të marrin shërbim në spitalin e Traumës, 3 në spitalin e Durrësit dhe 3 pacientë po marrin një trajtim më të specializuar jashtë vendit. Të gjithë pacientët janë në gjendje të stabilizuar, drejt përmirësimit.
Aktualisht shërbimi është i përqëndruar në qendrat 24-orëshe afër zonave të prekura dhe me ekipet mjekësore në terren në hotele ku janë sistemuar banorët e mbetur pa strehë si pasojë e tërmetit.
6,269 vizita mjekësore për banorët e akomoduar në hotele dhe në QSH 24/7 të ngritura pranë zonave të prekura. 435 të sëmurë kronikë kanë marrë barna.
435 të semurë kronikë të evidentuar në hotele po marrin trajtimin e nevojshëm me barna.
Në pikat e emergjencës vijon vaksinimi kundër gripit për të sëmurët kronikë, të moshuarit, gratë shtatzëna dhe fëmijët deri në 5 vjeç, për t’i mbrojtur nga viruset stinore. /Opinion.al
