Shqipëria po kalon ditë të vështira që pas goditje së tërmetit 6.4 ballë, i cili la pas dhjetëra viktima, qindra të plagosur dhe dëme të shumta materiale.
Lidhur me situatën e rëndë, ka reaguar rektori i Universiteti të Tiranës, Mynyr Koni, i cili ka deklaruar se procesit mësimor do të pezullohet deri më datë 6 dhjetor.
Koni shprehet se gjatë kësaj kohe do të verifikohen dhe ambientet ku zhvillohet mësimi duke siguruar kështu jetët e studentëve.
“Në vijim të Urdhrit nr.21, datë 26.11.2019, duke ndjekur me shumë shqetësim dhe me shumë vëmendje situatën aktuale, tepër të rënduar edhe nga ana psikologjike, deri në qetësimin e saj dhe garantimin e sigurisë teknike të ambienteve në të cilat zhvillohet procesi mësimor dhe më gjerë, në cilësinë e Rektorit të Universitetit të Tiranës, urdhëroj pezullimin e procesit mësimor deri në datën 6 Dhjetor 2019”, thuhet në vendimin e firmosur nga rektori Mynyr Koni./ Opinion.al
