Deklaratat e Presidentes së Komisionit Europian, Ursula von der Leyen, për mbështetje financiare dhe konferencë donatorësh për Shqipërinë janë mbështetur edhe në Këshilli Europian.
Ambasadori i Bashkimit Europian në Tiranë, Luigi Soreca ka bërë publike shkresën e konkluzioneve të Këshillit më 12 dhjetor ku në pikën 20 thuhet se:
“Bashkimi Evropian qëndron në solidaritet me Shqipërinë pas tërmetit të fundit. Këshilli Evropian mirëpret njoftimin e Komisionit për të ofruar ndihmë humanitare dhe për të organizuar një konferencë donatorësh.”
European Council conclusions of 12 December 2019:
“The European Union stands in solidarity with Albania in light of the recent earthquake.
The European Council welcomes the Commission’s announcement to provide humanitarian assistance and to organise a donors’ conference”.
???? pic.twitter.com/up0p34v554— Luigi Soreca?? (@LSorecaEU) December 13, 2019
Pas tërmetit të 26 nëntorit që shkaktoi 51 viktima dhe mijëra banesa të dëmtuara, Bashkimi Europian akordoi si fillim një fond prej 15 milionë eurosh nga buxheti i Komisionerit të ri për Zgjerimin dhe Fqinjësinë. Presidentja e Komisionit, premtoi se kjo nuk do të jetë mbështetja e vetme pasi Unioni do të organizojë një konferencë donatorësh nga e gjithë Europa ku do të kërkohet ndihmë financiare për përballimin e dëmeve që solli tërmeti në Shqipëri.
Mbështetja nga Këshilli Europian është një garanci më shumë për këtë konferencë e cila ende pritet të bëhet publike se kur do të zhvillohet. /Opinion.al
