SHBA është e gatshme të mbështesë përpjekjet e shpëtimit pas një tërmeti me magnitudë 7.7 ballë që tronditi Turqinë mëngjesin e sotëm.
Mbi 500 njerëz kanë vdekur pasi tërmeti shkatërroi ndërtesat në Turqinë jugore dhe Sirinë veriperëndimore.
Në një postim në Twitter, këshilltari për sigurinë kombëtare të Shtëpisë së Bardhë, Jake Sullivan tha se SHBA-ja ishte “thellësisht e shqetësuar nga tërmeti shkatërrues i sotëm”.
“Kam qenë në kontakt me zyrtarët turq për të thënë se ne jemi të gatshëm të ofrojmë çdo ndihmë të nevojshme. “Ne do të vazhdojmë të monitorojmë nga afër situatën në koordinim me Turqinë,” tha zoti Sullivan.
Ukraina dhe Izraeli kanë ofruar gjithashtu mbështetje.
Presidenti Volodymyr Zelenskyy postoi në Twitter: “I shpreh ngushëllimet e mia Turqisë, popullit të saj dhe familjeve të atyre që humbën jetën në tërmet dhe uroj shërim të shpejtë të gjithë të plagosurve.
Ministri i mbrojtjes i Izraelit, Yoav Gallant, tha se forcat e tij të sigurisë ishin të gatshme për të ofruar ndihmë për Turqinë dhe ministri i jashtëm Eli Cohen tha se një program ndihme ishte duke u përgatitur.
