Presidenti i Republikës së Shqipërisë, Bajram Begaj reagoi pas tërmetit shkatërrimtar në Turqi që iu ka marrë jetën deri në këto momente më shumë së 500 personave në Turqi dhe Siri, si dhe ka shkaktuar dëme të pallogaritshme.
Kreu i shtetit në një status në rrjetet sociale shpreh ngushëllimet për familjet e viktimave dhe tha se shqiptarët do të jenë pranë njerëzve të prekur në këto momente të vështira.
“Thellësisht i trishtuar nga tërmeti shkatërrues që goditi Turqinë dhe Sirinë këtë mëngjes. Unë dhe shqiptarët qëndrojmë pranë njerëzve të prekur dhe familjeve që humbën të dashurit e tyre në këtë tragjedi të tmerrshme. Mendimet dhe lutjet tona të sinqerta janë me ata!”-shkruan Begaj.
