Ditën e sotme qeveria zhvilloi mbledhjen e 8 të jashtë zakonshme, e cila ka në fokus situatën në vend pas goditjes së tërmetit shkatërrues të 26 nëntorit.
Gjatë mbledhjes, Rama deklaroi se 4151 objekte janë të inspektuara 1125 janë të pabanueshme nga të cilat 59 janë për tu prishur.
Kryeministri paralajmëroi dhe ndërtuesit, duke thënë se abuzuesit do të shkojnë para drejtësisë.
“4151 objekte janë të inspektuara 1125 janë të pabanueshme nga të cilat 59 janë për tu prishur. Duhet të dalin përpara përgjegjësisë të gjithë ato që kanë shkelur ligjin. Shumë shpejt do të ketë rezultate konkrete në këtë drejtim. Nxerrja përpara drejtësisë e abuzuesve nuk bëhet sa hap e mbyll sytë sepse do të shkojnë në gjykatë dhe KÇK-ja është aty dhe nuk do i japim mundësinë të kapë moton e vet, ‘Kap Çfarë të Kapësh’. Kështu të kemi durim se ky proces kërkon kohë,”- tha Rama./Opinion.al
