Shqipëria po kalon ditë të vështira që pas goditjes së tërmetit tragjik, i cili la pas dhjetëra viktima, qindra të plagosur dhe dëme të shumta materiale.
Mëngjesin e sotëm është zhvilluar mbledhje e 8 e jashtëzakonshme e qeverisë. Në këtë mbledhje, kryeministri Edi Rama deklaroi se zonat rurale duhet të pajisen me çadra dimërore, pasi , pasi ato janë të lidhur më bujqësinë dhe nuk mund të shpërngulen në hotele.
Po ashtu, kryeministri deklaroi se dje janë shembur 27 banesa të cilat ishin dëmtuar në strukturë tërmeti dhe ishin të pabanueshme. Ndërkohë, në spital janë ende dhe 22 persona, ndërsa janë 12 mijë e 366 persona të akomoduar në hotele dhe çadra.
“Sfida jonë për sot është pajisja me çadra dimërore të banorëve në zonat rurale. Ka akoma banorë në Lezhë të sistemuar me çadrat e para që nuk plotësojnë as kushtet më minimale. Dje janë shembur 27 banesa të cilat ishin dëmtuar në strukturë dhe ishin të pabanueshme. Në këto momente që flasim 22 persona janë akoma në spital. Janë 12 mijë e 366 persona të akomoduar në hotele dhe çadra. Çështjet për ndihma janë sistemuar tashmë. Dimë që Këshilli Europian ka dhuruar një fond prej 15 milion euro. Të dielën bashkë me presidentin e Turqisë do të zhvillojmë konferencën e donatorëve në Stamboll- tha Rama./Opinion.al
