Këtë të shtunë Shqipëria u trondit nga një tërmet i fuqishëm, duke shkaktuar persona të lënduar si dhe dëme të konsiderueshme materiale në disa qytetet të vendit.
Ndërkohë, mësohet se për shkak të lëkundjeve të forta, 68 persona kanë mbetur të lënduar dhe po marrin ndihmën e nevojshme mjekësore.
Tërmeti me magnitudë 5.8 ballë me epiqendër në Detin Adriatik, ka ngjallur panik te qytetarët në të gjithë vendin të cilët po qëndrojnë jashtë banesave.
Por, dhe pse në media raportohet për persona të lënduar dhe dëme të shumta materiale, ministria e Brendshme shprehet se në Shqipëri nuk ka persona të lëndua apo dëme materiale.
Reagimi
Pas lëkundjeve të tërmetit të rënë pak minuta më parë, Ministria e Brendshme, në bazë të raportimeve të para që ka marrë nga Drejtoritë Vendore të Policisë, Shërbimet Zjarrfikëse dhe Prefekturat, njofton se nuk ka persona të lënduar dhe as dëme të rënda materiale.
Të gjitha strukturat e rendit janë në gadishmëri të plotë dhe do të marrin çdo masë për të qenë pranë dhe në shërbim të qytetarëve.
MB dhe Policia e Shtetit fton këdo që ka nevojë për ndihmë, të telefonojë në nr falas 112.
Ky është njoftim paraprak dhe pas thellimit të informacionit do të japim të dhëna të tjera./ Opinion.al E.Xh.
