Trupi i ish-futbollistit të Chelsea, Christian Atsu është gjetur nën rrënojat e ndërtesës ku ai jetonte në Turqi, ka thënë agjenti i tij.
Atsu ishte zhdukur që nga tërmetet që goditën Turqinë dhe Sirinë më 6 shkurt.
Ai ishte identifikuar gabimisht dhe ishte raportuar gabimisht si i shtruar në spital javën e kaluar.
Në një deklaratë agjenti i Atsu, Nana Sechere, tha: “Me zemrën të thyer më duhet t’u njoftoj të gjithë dashamirësve se fatkeqësisht trupi i Christian Atsu u gjet këtë mëngjes.
“Ngushëllimet e mia më të thella shkojnë për familjen dhe të dashurit e tij. Dëshiroj të shfrytëzoj rastin për t’i falënderuar të gjithë për lutjet dhe mbështetjen e tyre. Kërkoj që ndërkohë të gjithë të respektojnë privatësinë e familjes gjatë kësaj periudhe shumë të vështirë”.
Atsu luajti për disa klube të Premier League, duke përfshirë Chelsea, Bournemouth, Everton dhe Newcastle.
Ai iu bashkua Chelseat në vitin 2013 përpara se të huazohej nga klubi holandez Vitesse.
