Vendi ynë u trondit ditën e sotme nga një tërmeti i fuqishëm, cili shkaktoi persona të lënduar dhe dëme materiale në disa qytetet të vendit.
Deri më tani ende nuk ka një raportim të saktë për numrin e personave të lënduar apo të dëmeve materiale në të gjithë vendin.
Lidhur me ngjarjen e sotme, ka folur sizmiologu Rrapo Ormeni, i cili tha se në epiqendër tërmeti ka qenë 8 ballë ndërsa në Tiranë është ndjerë 7 ballë.
Po ashtu ai theksoi se goditja më e madhe ka kaluar, por në orët në vijim mund të ketë goditje të tjera të tërmetit por me magnitudë më të vogël. Po asthu ai tha se; “Qytetarëve iu këshillojmë sidomos në zonën epiqendrore që në këtë periudhë të qëndrojnë jashtë godinave të tyre të banimit, pra mundësia për dëmtime është në zonën rreth epiqendrës.”
“IGJEUM regjistroi sot në 16:04 një tërmet me magnitudë 5,5 të shkallës Rihter dhe me intensitet në epiqendër 8 ballë. Tërmeti ka epiqendër në veri të qytetit të Durrësit. Ndërsa tërmeti është ndjerë rreth 8 ballë në Durrës dhe deri në Shëngjin dhe është ndjerë 7 ballë në Tiranë. Tërmeti është shoqëruar gjithashtu nga një pasgoditje e fortë me magnitudë 5.3 të shkallës Rihter dhe me intensitet në epiqendër 7 ballë. Kuptohet që ky është një nga tërmetet më të forta të rëna në vendin tonë pas tërmetit të vitit 1979 që është tërmeti me magnitudën më të madhe. Ne gjykojmë që goditja kryesore ka kaluar por ne gjykojmë që do të ketë goditje të tjera me magnitudë më të vogël, që quhet pasgoditje dhe me kalimin e kohës do të vijnë duke u shuar”. Qytetarëve iu këshillojmë sidomos në zonën epiqendrore që në këtë periudhë të qëndrojnë jashtë godinave të tyre të banimit, pra mundësia për dëmtime është në zonën rreth epiqendrës. Ndërsa në zonën e Tiranës ndjeshmëria është e frikshme por nuk ka rrezik për dëmtime. Për siguri është mirë që 2-3 orët e para të rrinë jashtë. Tërmetet deri më sot nuk janë të parashikueshëm”, tha Ormëni./ Opinion.al E.Xh.
