Pas tërmetit të fuqishëm që goditi vendin tonë në orët e para të mëngjesit të sotëm, ka reaguar ish-trajneri i kombëtares shqiptare Xhani De Biazi.
Përmes një postimi në rrjetet sociale, ish-trajneri i Kombëtares kuqezi shpreh të gjithë solidaritetin me popullatën e goditur nga tërmeti dhe me familjet e viktimave.
“Me gjithë zemrën time shpreh afërsinë, dhimbjen time, për viktimat dhe për të gjithë popullsinë e goditur nga tërmeti në Shqipëri. Shpresoj shumë që të ktheheni në normalitet sa më shpejt që të jetë e mundur, dhe se ka një ndihmë thelbësore për njerëzit që kanë humbur shtëpinë e tyre! Ngushëllime për ata që kanë humbur të dashurit në këtë përvojë të dhimbshme. Guxim dhe shumë forcë reagimi. Forca Shqipëria,”-shkruan De Biazi.
Tërmeti i sotëm la pas disa viktima dhe qindra persona të lënduar, ndërkohë autoritetet po vijojnë kërkimet për gjetjn e personave të cilët kanë mbetur poshtë rrënojave të banesave. / Opinion.al
