Rritet bilanci tragjik i viktimave nga tërmeti i mëngjesit të djeshëm që goditi Italinë Qendrore.
Numri i viktimave dyshohet të jetë 247, ku mes tyre ka dhe fëmijë.
Qindra të plagosur po marrin ndihmë mjekësore në spitale të ndryshme të vendit, por nga ora në orë vjen duke u rritur numri i viktimave, të cilët nuk mund të mbijetojnë nga plagët e shumta.
Ndërsa dhjetra të tjerë rezultojnë të zhdukur nën gërmadha.
Numri i viktimave është konfirmuar nga vetë Mbrojtja Civile, që deklaroi gjithashtu se se 2500 persona janë evakuar.
