Të paktën 380 njerëz janë konfirmuar të vdekur, pasi një tsunami i shkaktuar nga një tërmet me magnitudë 7.5 ballë goditi të premten Indonezinë.
Video të tmerrshme janë publikuar nga zonat bregdetare, ku njerëzit duken të tmerruar, ndërsa mundohen të braktisin me shpejtësi ndërtesat e tyre.
Dallgët arritën mbi 2 metra lartësi në qytetin bregdetar Palun, si dhe në ishullin Sulawesi.
Goditjet e forta vazhduan të shkatërrojnë qytetin. Mijëra shtëpi janë shkatërruar, së bashku me spitalet, hotelet dhe qendrat tregtare.
Grupet e shpëtimit janë në aksion, megjithse ndërhyrjet e tyre po pengohen për shkak të ndërprerjes së energjisë elektrike dhe bllokimit të rrugëve.
Rruga kryesore për në Palun është bllokuar për shkak të rrëshqitjes së dheut.
Muajin e kaluar, një seri tërmetesh goditën ishullin indonezian Lombokut, ku të paktën 460 persona u konfirmuan të vdekur./Opinion.al
