Të paktën 235 të vdekur dhe mbi 1.500 të plagosur është bilanci i një tërmeti me magnitudë 7.8 ballë Rihter që tronditi dje në mbrëmje Ekuadorin, si dhe shkaktoi dëme të konsiderueshme në shumë zona të vendit.
Rreth 10,000 trupa të kërkim-shpëtimit dhe 3,500 forca policie janë duke u vendosur në zonat e prekura.
Lëkundjet e tërmeti me magnitudë 7.8 ballë të shkallës Rihter që goditi të shtunën në mbrëmje Ekuadorin u ndjenë deri në Kolumbi.
Mësohet se zonat bregdetare në veri-perëndim ishin më afër epiqendrës së tërmetit, dhe raportohet, se numri i viktimave pritet të rritet akoma më shumë.
“Këto janë momente shumë të vështira për Ekuadorin,” tha zëvendës/presidenti, Jorge Glas
Ai bëri me dije se nga informacionet e shumta ka njerëz të lënduar, të cilët janë bllokuar nën rrënoja, në zona të ndryshme të vendit dhe forcat e kërkim-shpëtimit janë duke bërë të pamundurën për t’i shpëtuar ata.
