Qindra njerëz dyshohet se kanë vdekur pasi një tërmet i fuqishëm goditi Afganistanin perëndimor, afër kufirit iranian.
Autoritetet thonë se numri i të vdekurve është shumë më i lartë. Tërmeti me magnitudë 6.3 shkatërroi të paktën 12 fshatra pranë qytetit të Heratit të shtunën.
Punonjësit e shpëtimit punuan gjatë natës duke u përpjekur të gjenin të mbijetuar të bllokuar nën rrënoja. Mijëra njerëz janë plagosur.
Në një vend me lehtësira jashtëzakonisht të pamjaftueshme mjekësore, spitalet po luftojnë për të trajtuar të plagosurit. OKB-ja dhe organizatat e tjera kanë filluar të nxitojnë me furnizime emergjente.
Tërmeti goditi rreth 40 km në veri-perëndim të Heratit rreth orës 11:00 me kohën lokale tështunën.
Ministri i shëndetësisë publike talebane po viziton Heratin për të vlerësuar shkallën e ndikimit. Herati ndodhet 120 km në lindje të kufirit iranian dhe konsiderohet të jetë kryeqyteti kulturor i Afganistanit. Rreth 1.9 milionë njerëz besohet se jetojnë në provincë.
Afganistani goditet shpesh nga tërmetet – veçanërisht në vargun malor Hindu Kush pasi shtrihet pranë kryqëzimit të pllakave tektonike euroaziatike dhe indiane.
Në qershor të vitit të kaluar, provinca e Paktikës u godit nga një tërmet me magnitudë 5.9 i cili vrau më shumë se 1000 njerëz dhe la dhjetëra mijëra të pastrehë./Opinion.al
