Një tërmet ka “lëkundur” Tiranën sot në orën 10:58 të paradites. Epiqendra e tij ka qenë vetëm 28 kilometra në veri-perëndim të kryeqytetit, pranë Fushë-Krujës, me magnitudë 3,8 ballë.
Sipas të dhënave nga Instituti Europian i Sizmologjisë, epiqendra ka pasur një thellësi prej 10 kilometrash. Tronditja është ndjerë nga qytetarët e Tiranës, por ka zgjatur shumë pak sekonda.
Ky është tërmeti i dytë për sot po në të njëjtën zonë. I pari është regjistruar në Gramëz në Fushë-Krujë në orën 06:43 të mëngjesit, me magnitudë 2,6 ballë.
