Mëngjesin e sotëm, kryetarja e LSI-së, Monika Kryemadhi, është takuar me banorët e Kombinatit, banesat e të cilëve dëmtuan nga tërmeti i 26 nëntorit 2019.
Kryemadhi dëgjoi ankesat e banorëve, ndërsa akuzoi kryeministrin Edi Rama se është mashtrues dhe se nuk mban premtimet.
Kryetarja e LSI-së se do ta detyrojnë kryeministrit që të nënshkruajë një kontratë, në mënyrë që banorët e Kombinatit mos mbeten pa shtëpi.
Bashkëbisedimi i Kryemadhi me një banor:
Banori: E dimë kush është ai, ai horr
Kryemadhi: Ne nuk do merremi me të,
Banori: Si nuk do merreni me të?!
Kryemadhi: Ne do zgjidhim hallet. Si do bëjmë që mos ju shemben shtëpitë. Ne e dimë që ai është njëshi për të gënjyer. Ju premtoi se do hapë vende pune, ju premtoi se do ju ndërtojë shtëpi, shëndetësi falas…etj.
Ne ju kemi sjellë një kopje kontrate, lexojeni dhe diskutojeni. Ndërkohë ne do jemi në kontakt me ju.
Banori: Ndonjë numër telefoni?
Kryemadhi: Po e ke aty. Ne duam të bëjmë që ai mos guxojë të hyjë në një proces të shkatërrimit të pronës. Në momentin që ky zotëria të prish pronën, ku do të shkosh? Sepse ti nuk jeton me bonus qiraje.
Banori: Bonusin nuk e dua fare
Kryemadhi: Ajo që është e rëndësishme është që ne duhet ta detyrojmë që këtu në Kombinat të vijë të nënshkruajë kontratat me 193 familjet në Kombinat. Ashtu sic e detyruam për shkollën “Sami Frashërin” që të shpallë ofertën dhe tendferin. Pra nuk mund të thotë ai, ti ikë tani se ne do ti shembim, pastaj hajde se flasim.
