Një tërmet i fortë ka shkatërruar ndërtesat dhe ka shkaktuar rrëshqitje të dheut në ishujt Maluku në lindje të Indonezisë të enjten në mëngjes, duke lënë të paktën 20 njerëz të vdekur.
“Numri i përgjithshëm i njerëzve që vdiqën në tërmet është 20,” tha Agus Wibowo, zëdhënës i agjencisë kombëtare të katastrofave, në një deklaratë.
“Të paktën 100 njerëz u plagosën dhe më shumë se 2,000 u evakuuan”, shtoi ai.
Tërmeti me magnitudëi 6.5 goditi ishujt rreth orës 8:45 të mëngjesit të enjten.
Njerëzit e tmerruar vrapuan në rrugë ndërsa ndërtesat u shembën rreth tyre në Ambon, një qytet me rreth 400,000 njerëz.
Zona u godit nga të paktën dy vale tërmetesh, duke përfshirë edhe një me magnitudë 5.6.
Indonezia, me një popullsi prej 260 milion njerëzish, është e prirur ndaj tërmeteve dhe shpërthimeve vullkanike për shkak të vendndodhjes së saj përgjatë “Unazës së Zjarrit” në Oqeanin Paqësor.
Në 2004, një tërmet në ishullin Sumatra shkaktoi një tsunami përgjatë Oqeanit Indian që vrau 226,000 njerëz në 14 vende, 120,000 prej tyre në Indonezi. /Opinion.al
