Kyriakos Mitsotakis, kryeministri i Greqisë, ka folur me Presidentin turk, Recep Tayyip Erdogan pas tërmetit të fortë që ka shkaktuar mijëra viktima.
Mitsotakis i ka shprehur Erdoganit ngushëllime për humbjet e jetëve, ndërkohë që i ka theksuar gatishmërinë e grekëve për të ndihmuar.
“Sapo fola me Presidentin Erdogan. Në emër të popullit grek, i shpreha ngushëllimet e sinqerta për humbjet tragjike të jetëve dhe theksova gatishmërinë tonë për të ofruar të gjithë ndihmën e mëtejshme të nevojshme”, tha ai.
Më shumë se 2300 persona kanë mbetur të vrarë në Turqi dhe Siri si pasojë e tërmetit me magnitudë 7.8 që goditi Turqinë jugore. Po ashtu raportohet se kanë mbetur të plagosur mbi 10 mijë persona të tjerë.
