Shqipëria është goditur përsëri nga tërmeti ditën e sotme. Lëkundjet e tërmetit janë ndjerë rreth orës 17:21, paraprakisht llogaritet me magnitudë 4.0, ndërsa thellësia ishte 2 kilometra.
Lëkundja ka qenë 36 kilometra nga Tirana dhe 17 kilometra nga Shijaku. Lëvizjet e forta sizmike janë ndier në Tiranë, Durrës, Krujë dhe qytete të tjera duke rikthyer edhe njëherë frikën dhe panikun te qytetarët.
Vendi ynë u godit dhe nga një tërmet i shkallës 3.6 gjatë natës. Në harkun kohor të një viti, Shqipëria është goditur nga një seri tërmetesh, ku më i tragjiku është ai i 26 nëntorit.
