Një tërmet i fortë me magnitudë 5.4 i shkallës Rihter, ka goditur Italinë qendrore, me epiqendër në provincën e Macerata, Visso, por që u ndje në Romë, L’Aquila, Perugia dhe Terni.
Tërmeti tronditi edhe zonat e prekura nga tërmeti i Ascolano në Ancona, Fabriano dhe Pesaro.
Shumë njerëz janë të frikësuar për shtëpitë e tyre. Tronditja u ndje edhe në Firence, Arezzo, Napoli dhe Caserta.
Alessandro Amato, nga INGV tha se “Ky tërmet është i lidhur disi me atë të 24 gushtit në Amatrice. Në të vërtetë ajo është një zonë tashmë aktive.Ky është ndoshta aktivizimi i një çarje nëntokësore të re”.
