Albina Vuka është një prej banorëve të Lezhës, të cilës gjatë tërmetit të 26 nëntorit të vitit të kaluar pësoi dëme të mëdha në shtëpinë e saj.
Ajo ka treguar gjatë një takimi me ish-nënkryetarja e bashkisë Lezhë, Alfrida Marku, vështirësitë e familjes së saj që pas tërmetit tragjik.
Albina Vuka rrëfen se së bashku me tre fëmijët dhe burrin e paralizuar jetojnë në çadër dhe kontenier. Në dy muajt e fundit, për t’i shpëtuar temperaturave dhe vështirësisë që ka qëndrimi në çadër, është detyruar që të futet në shtëpinë e shpallur të pabanueshme dhe për t’u shembur.
Banesa e familjes Vuka është cilësuar në shkallën e dëmtimit DS4, por sipas saj, deri më tani ende nuk është ndihmuar nga shteti për ndërtimin e një banese të re.
DENONCIMI I QYETARES ALBINA VUKA, BASHKIA LEZHË
Albina Vuka: Unë jam Albina Vuka. Nëna e 3 fëmijëve, bashkëshorti i sëmurë ka 5 vite, është i paralizuar ne karrocë. 10 muaj ka domethënë që ne flemë jashtë. Shtëpinë e kanë nxjerr DS4, të pabanueshme.
Alfrida Marku: Të pabanueshme. Që duhet të rindërtohet.
Albina Vuka: Që duhet të rindërtohet. Do ta bëjmë, ata thonë do ta bëjmë, do ta bëjmë po unë nuk jam duke parë gjë. Prej tërmetit në kontenier e në çadër kemi kaluar, ka 2 muaj kam ndenjur në çadër. Në çadër nuk munda të rri më se është e papërballueshme, çadra se na zë dhe frymëmarrja. I kam nxjerr fëmijët, i kam futur në shtëpi të shembur.
Alfrida Marku: Dhe duke rrezikuar jetën?!
Albina Vuka: Edhe duke rrezikuar jetën e fëmijëve!
Alfrida Marku : Sepse shtëpia është e pabanueshme…
Albina Vuka: Shtëpia është e pabanueshme.
Alfrida Marku: Dhe akoma s’ka asnjë veprim për me nis ndërtimin e saj?!
Albina Vuka: S’shohim gjë, deri në këtë minutë nuk shohim gjë! Që duhet të rindërtohet. Do ta bëjmë, ato thonë do ta bëjmë, do ta bëjmë, po unë s’jam t’u pa.
Alfrida Marku: Pashë një libër aty te dhoma.
Albina Vuka: Po!
Alfrida Marku: Fëmijët mësojnë te shtëpia e dëmtuar?
Albina Vuka: Po, në shtëpi të dëmtuar hyn dhe mëson vajza. Ku do të mësojë? Në kontenier i sëmuri do qetësi, këtu nuk rrihet prej nxehtit, të zihet fryma. Ku ka gjet qetësinë? Në shpi të pabanueshme. Asnjë send nuk kërkoj tjetër, vetëm kërkoj të më bëjnë një grimë shpi e të fus 3 fëmijët brenda dhe burrin e sëmurë brenda. Unë nuk kërkoj gjë prej shtetit tjetër.
