Artistet me origjinë shqiptare mjaft të njohura në botë janë përpjekur të japin ndihmën e tyre për të prekurit nga tërmeti i 26 Nëntorit.
Pas Bebe Rexhës dhe Rita Orës edhe këngëtarja Dua Lipa po zhvillon nismën e saj në mbledhjen e të ardhurave.
Gjatë ditës së sotme këngëtarja ka nxjerrë në shitje një bluzë të krijuar posaçërisht për këtë kauzë. Në bluzë shkruhet emri i Dua Lipës dhe një rreth i formuar me fjalët “Pray for Albania”.
Dua u ka bërë thirrje të gjithëve të kontribuojnë për ndërtimin e shtëpive duke blerë një bluzë që kushton 35 paund.
Kujtojmë se gjatë ditës së djeshme këngëtarja Bebe Rexha vizitoi zonën e Bubqit dhe një zonë tjetër duke premtuar rindëtimin e dy shtëpive. Më herët edhe Rita Ora ka premtuar se do të kontribuojë në rindërtimin e një shtëpie./Opinion.al/
