Ministrja e Mbrojtjes, Olta Xhaçka iu është përgjigjur shqetësimeve të Presidentit Ilir Metë, për gatishmërinë e autoriteteve në rast të një rreziku nga një tërmet apokaliptik (siç pretendon kreu i shtetit duke iu referuar sizmologut grek Tsentelis). Xhaçka thotë se parashikimi i tërmeteve është përtej mundësive të shkencës.
“Pas konsultimeve edhe me IGJEUM, parashikimi i tyre është i pamundur. Sizmiologu Tsentelis përgënjeshtroi lajmin e rremë që u bë shkas për shqetësimin tuaj. Qeveria dhe Ministria e Mbrojtjes, vëmendje maksimale ndaj fatkeqësive natyrore. Jemi më të përgatitur se kurrë në këto 30 vite për t’u përballur me emergjencat”, shkruan Ministrja e Mbrojtjes në një letër përgjigje drejtuar Presidentit.
“Mënyra sesi përballuam tërmetin në Korçë janë prova më domethënëse e seriozitetit të përgatitjeve tona” thekson ministrja, megjithëse ende dy muaj nga tërmeti banorët një pjesë e madhe e tyre janë në çadra dhe nuk kanë marrë dëmshpërblimin e premtuar për shtëpitë e tyre.
Por sipas ministres shprehja më e qartë e seriozitetit të punës sonë është ligji “Për Mbrojtjen Civile”, që kërkon dhe dekretin e Presidentit./ Opinion.al
