Institucioni i Presidentit të Republikës i qëndron deklaratave në lidhje me “tërmetin apokaliptik”. Në një deklaratë për mediat këshilltari i Presidentit, Bahri Shaqiri tha se Presidenca nuk ka marrë përgjigje për kërkesën për “informacion mbi kapacitetet dhe masat për përballimin e fatkeqësive natyrore”.
“Është detyrë që institucionet të vlerësojnë dhe të marrin masa. Presidenti kërkon që të trajtohet me seriozitet shqetësimi i ngritur nga autoritetet zyrtare greke. Kjo dëshmon mungesë respekti të shtetit të së drejtës. Çdo nënvlerësim do të shënohet me vëmendje nga institucioni i Presidentit”, tha këshilltari i Presidentit.
Ditën e djeshme, Presidenti Ilir Meta i shkroi një letër kryeministrit Edi Rama, zëvëndëskryeministrit Erion Braçe, ministres së Mbrojtjes, Olta Xhaçka dhe ministrit të Brendshëm, Sandër Lleshi ku paralajmëroi në bazë të deklaratave të sizmiologut grek Akis Tselenti, për një tërmet të fuqishëm që pritet të godasë rajonin e Ballkanit.
Kreu i Shtetit kërkonte nga institucionet përgjegjëse nëse kanë kontaktuar me sizmiologun grek apo institucionet homologe për të dhënat e tyre në lidhje me këtë paralajmërim. Ilir Meta u shprehe se është i gatshëm të thërrasë dhe mbledhjen e Këshillit të Sigurisë Kombëtare për këtë çështje.
Nga ana tjetër sizmologu grek Akis Tselendis ka thënë se presidenti i Shqipërisëm Ilir Meta e ka keqkuptuar deklaratën e tij televizive, ku deklaroi se në ditët në vijim mund të ketë në Athinë lëkundje pas tërmetit, të cilat mund të shkojnë deri në 6 ballë të shkallës rihter.
“Këto janë lajme të rreme. Nuk e di se si dolën. Në media kurrë nuk kam bërë një parashikim të tillë. Janë falsifikuar shumë deklaratat e mia shkencore në lidhje me sekuencën post-sizmike në Athinë”./ Opinion.al
