Mbrëmjen e së dielës, vendi ynë u “trondit”nga një tërmet me magnitudë 4.5 Rihter. Epiqendra e tërmetit ka qenë në Lezhë, por lëkundjet sizmike u ndjenë edhe në disa qytete të tjera.
Ndërkohë në lidhje me situatën e tërmetit përfaqësuesja e IGJEUM, Anira Gjoni ka folur në një lidhje në abc news, ku ka deklaruar se nuk ka vend për panik.
“Nuk ka vend për panik sepse ashtu siç ne e publikuam mbrëmë kemi pasur një ngjarje sizmike, 10 km në verilindje të Shëngjinit dhe ishte diku tek 69 km në largësi nga qendra e Tiranës. Ishte 4.5 Rihter, tek 5 ballë. Në momentin e parë nuk ishin raportuar dëme dhe ashtu siç ne e dimë është një vend sizmik dhe presim nga moment në moment mund të ketë lëkundje por nuk ka vend për panik.”, tha ajo.
Ndërsa pyetjes se nëse duhet të shqetësohemi pas rënies së tërmetit gjatë periudhës së vjeshtës, kohë kur janë shënuar dhe tërmete të tjera, Gjoni u përgjigj: “Nuk ka të bëjë me periudha vjeshtë apo verë, ka qenë një rastësi periudha e vjeshtës. Janë më të lehta zakonisht se tregojnë tendencën e shuarjes së vatrës.”
