Presidenti Ilir Meta i jep OK tre ligjeve të miratuara nga Kuvendi. Zëdhënësi i Presidencës, Tedi Blushi në një konferencë për mediat tha se është dekretuar ligji për mbrojtjen civile.
Ky ligj është bërë dhe objekt përplasjes mes Metës dhe qeverisë, pasi kreu i shtetit pak ditë më parë apeloi autoritetet të marrin masa në rast të një tërmeti apokaliptik, duke iu referuar një sizmologu të njohur grek.
Po ashtu ka dekretuar dhe ligjin për taksat kombëtare si dhe ligjin e ri për asistencën sociale.
Sipas të dhënave të publikuara nga zëdhënësi i këtij institucioni, gjatë kohës së tij në detyrë deri tani ka marrë në shqyrtim 193 ligje, nga të cilat ka dekretuar me shpallje 156 ligje, ka dekretuar kthimin për rishqyrtim në Kuvend të 14 ligjeve si dhe ka vendosur të miratojë në heshtje 16 ligje. Aktualisht ka për të shqyrtuar dhe 7 ligje. / Opinion.al
