Një tërmet me magnitudë 3.8, ka rënë mbrëmjen e sotme, në Kuman të Fierit, lëkundjet e të cilit janë ndjerë për disa sekonda në Vlorë dhe Lushnje.
Epiqendra e tërmetit është regjistruar 11 kilometra në lindje të qytetit të Fierit. Ministria e Mbrojtjes dhe Agjencia Kombëtare e Mbrojtjes Civile po monitorojnë situatën për çdo zhvillim të mëtejshëm.
Sipas raportimeve nga Instituti i Gjeoshkencës është regjistruar një tërmet me magnitudë 3.8, më datë 25.10.2024, në orën 19:32:42.
Epiqendra ndodhet në fshatin Kuman, Bashkia Fier, me koordinata 40.711°N dhe 19.687°E, në një thellësi prej 15 km.
Nga komunikimet e marra deri tani, nuk raportohen probleme për komunitetin apo dëmtime në infrastrukturë.
