Banorët në Kranidi dhe Leonidio në gadishullin e Peloponezit janë zgjuar nga një lëkundje e fuqishme tërmeti me fuqi 4.8 shkalla Rihter.
Tërmeti u regjistrua rreth orës 7:20 të mëngjesit në zonën detare midis Kranidit dhe Leonidios, konkretisht 16 km në verilindje të Leonidios në Gjirin Argolik, në një thellësi prej 14.5 km.
Sipas të dhënave të Institutit Gjeodinamik, tërmeti është ndjerë edhe në gjithë luginën e Athinës.
Bëhet e ditur se deri më tani nuk ka raportime për dëme në njerëz apo në ndërtesa.
