Një tërmet i vërtetë ka ndodhur në klubin italian të Juventusit. Pak minuta më parë është mbajtur një mbledhje e jashtëzakonshme e Bordit Drejtues të klubit, në përfundim të së cilës të gjithë anëtarët kanë dhënë dorëheqje.
Lajmi është i bujshëm, në fakt, i gjithë bordi drejtues ka dhënë dorëheqjen, përfshirë presidentin Andrea Agnelli dhe nënpresidentin Pavel Nedved, edhe CEO-n Maurizio Arrivabene, i cili do të qëndrojë në krye gjatë periudhës të dorëzimit të klubit në një bord të ri.
Kështu përfundon epoka e Andrea Agnellit si president i Juventusit pas 11 vitesh. Kjo është një pikë kthese shumë e rëndësishme për të ardhmen e tyre. Tashmë pritet njoftimi zyrtar për media nga kompania, për arsyet e këtij vendimi të papritur./Opinion.al
