Një tërmet me magnitudë 5.7 ballë ka goditur Kretën këtë mëngjes. Mediat greke shkruajnë se nga goditja e fuqishme e tërmetit nuk ka të lënduar apo dëme.
Qendra Sizmologjike Evropiane Mesdhetare (EMSC) më herët regjistroi lëkundjen në 6.1. Autoritetet egjiptiane raportuan se tërmeti u ndje në disa nga qytetet e vendit.
Akis Tselentis, drejtor i Institutit Gjeodinamik i cili ishte në Kretë, tha se autoritetet dhanë një lexim të rishikuar prej 5.7 nga 5.6 më parë.
“Fatmirësisht ishte në det. Zona tashmë është e rënduar (me lëkundjet e mëparshme) dhe nëse do të ishte në brendësi mund të kishte dëme”,-tha ai.
Tërmeti ishte në një thellësi prej 80 km (49.7 milje), tha EMSC, ndërsa sipas Instituti Gjeodinamik të Greqisë thellësia ishte 42.7 km./Opinion.al
