Turqia u godit pasditen e sotme nga një tërmet i fuqishëm me magnitudë 5.7 dhe thellësi 8 kilometra nën tokë.
Sipas mediave turke, lëkundjet sizmike shkaktuan të plagosur dhe dëme materiale. Banorët dolën në rrugë të frikësuar, kurse kulla e rojes e një stacioni policor në këtë qytet u shemb, duke lënë të plagosur 3 punonjës policie.
Lajmi është konfirmuar nga ministri i Brendshëm i Turqisë, i cili bëri me dije se në terren kanë dalë ekipet e emergjencës.
Tërmeti u ndje më së shumti në qytetin Karliova, ku dhe janë shënuar dëmet, por u ndjenë edhe në provincat Erzurum, Mus, Erzincan.
Pas tërmetit të madh, vendi u godit edhe nga dy tërmete të tjera me intensitet 4.6 dhe 4.7 të shkallës Rihter./Opinion.al
