Një episod i shëmtuar u regjistrua të shtunën në një nga tregjet e Tiranës. Një tregëtar fruta-perimesh shihej teksa tërhiqte në mënyrë të dhunshme një të mooshuar pasi dyshonte se ky i fundit nuk kishte paguar disa limona.
I moshuari nga ana e tij e sqaroi se i kishte paguar leket dhe kishte nevojë vetëm për ato limona por megjithatë tregëtari nuk denjoi t’i kërkonte as të falur.
Ngjarja ngjalli zemërim në rrjet pasi ajo do të ishte e rëndë edhe në një situatë normale e jo më kur vendi përballet me krizën e pandemisë së COVID-19.
Sot mësohet se janë marrë masat kundrejt tregëtarit të cilit i është pezulluar licensa dhe në këtë mënyrë ai nuk mund të ushtrojë më aktivitetin e tij.
Kjo do të vështirësojë gjendjen e tij në këtë periudhë por dhuna ndaj të moshuarit, në një kohë kur bëhen apele të përsëritura se kjo është shtresa më e rrezikuar në këtë situatë, është një veprim i pafalshëm. /Opinion.al
