Tre ditë pas përmbytjeve të shumta në qytetin e Durrësit, situata po shkon drejt normalizimit.
Uji është tërhequr nga zonat më problematike, ndërsa Bashkia e Durrësit ka dërguar grupet për të verifikuar dëmet.
Grupet në terren po hyjnë në çdo shtëpi ku ka depërtuar uji për të bërë vlerësimin e dëmeve në mënyrë që dëmshpërblejë qytetarët e prekur.
Vetë banorët thonë se asnjëherë më parë nuk janë përballur me përmbytje të këtij lloji.
Deri më tani nga 300 shtëpi dhe biznese të përmbytura plotësisht, ka përfunduar verifikimi i dëmeve në rreth 150 prej tyre.
Bilanci i përmbytjes përfshiu gjithsej rreth 300 banesa, ku 200 shtëpi janë në zonën e Durrësit të Ri, 60 në zonat e Shkozetit dhe Plazhit, 4 në njësinë administrative 4, 1 në njësinë 1, 20 në Sukth, 10 në Katund të Ri dhe 5 në Rrashbull.
Tv Klan
