Edi Rama ishte sot në Polis të Librazhdit në atë që ai e quan “dëgjesa publike”. Kryeministri reagoi për impaktin negativ që pati publikimi i emrave të zyrtarëve e gjyqtarëve në facebook-un e tij duke dashur të shfajësohet se reforma do jetë reale dhe jo me fletë-rrufe online.
“U bë nami për një listë që doli në FB tim. Ajo listë është thjesht nga komentet e njerëzve, nuk është listë për të nxjerr të këqijtë, apo për ti dënuar. Por është thjesht një përmbledhje e emrave të njerëzve që kanë komentuar. Ata që kanë komentuar, janë njerëz real, apo fshihen pas profileve të tjerëve. Por mekanizmi që do ndërtojmë ne do jetë i qartë, transparente dhe jo ky, Ai do thotë unë jam anëtar i këtij koalicion. Edi Rama, jam banor i Polisit, kam këtë nr telefoni. Dhe i dalë për zot kësaj që them. Psh; te Hiptekat më kanë bllokuar dhe i dalë për zot kësaj, Dhe qeveria të më garantojë që të vihet në vend drejtësia”, tha Rama.
