SHKODER- Kryeministri Edi Rama doli dhe takoi banorët që e pritën me protesta në Shkodër, edhe pse para 1 ore ata u ndalën nga forcat e Gardës.
Duket se përballë presionit popullor dhe thirrjeve para bashkisë “Duam takim me Ramën” ai është terhequr duke dalë para protestuesve.
Rama është ndalur për t’i takuar dhe u ka premtuar dëmshpërblim. “Do të zbatojmë kerkesën e UEFAs” ka thënë Rama lidhur me projektin për stadiumin, ndërkohë që shtoi “për çdo ndertesë që do shembet do të ketë demshpërblim”.
Sakaq kishte edhe banorë të ultësirës së Shkodrës të cilët u përmbytën para disa vitesh dhe nuk kanë marrë dëmshpërblimet. Edhe për këtë kategori, Rama premtoi zgjidhje të problemit. “Kemi listën që na ka lënë qeveria Berisha, çdo gjë do dëmshpërblehet sipas ligjit”, tha ai.
