Këtë të diel, skuadra e Manchester United do të luajë ndeshjen përballë Watfordit, por ndërkohë për legjendën Michael Carrik do të jetë ndeshja e fundit me fanelën e ‘Djajve të Kuq’.
Lajmi bëhet i ditur nga ‘BBC’ , ku ndërkohë trajneri Mourinho e ka vlerësuar mesfushorin për gjithçka që i ka dhënë fanelës së Manchester United.
“Ne besojmë se mund ta bëjmë atë një trajner të mirë. Tashmë trupi i tij nuk mund të përballojë më. Klubi dhe unë dëshirojmë që ta mbajmë këtu” ka thënë trajneri portugez i Manchester United gjatë një prononcimi për mediat.
Michael Carrik ka luajtur 463 ndeshje me skuadrën e Manchestër United që prej vitit 2006, ku ka fituar 12 trofe në total me klubin.
