Këngëtarja, Demi Lovato ka folur hapur për momentin kur iu ka bërë me dije prindërve se një ditë mund të përfundonte krah një gruaje, pasi tërhiqej seksualisht prej tyre.
Teksa pranoi se është ende në proces e sipër të njohjes së vetes dhe preferencave të saj, 27-vjeçarja tha se foli me prindërit pa doreza në vitin 2017.
“Ishte një moment emocional, por shumë i bukur. Pasi u rrëfeva, fillova të dridhesha dhe të qaja. U mbusha me emocione. Babi reagoi sikur të ishte diçka e natyrshme. Për mamin isha në gjemba, por ajo më tha që do që unë të jem e lumtur. Kaq gjë e bukur, jam shumë mirënjohëse.”, tha Demi në një intervistë për Radio Andy në Sirius XM.
Kujtojmë se Demi Lovato u kthye sërish në qendër të vëmendjes kur u ngjit në skenën e Grammy Awards 2020, pas mbidozës së vitit 2018.
Ajo debutoi me këngën “Anyone”, të cilën e quajti “një klithmë për ndihmë.”/Opinion.al
