Astrit Patozi, koordinatori i Bindjes Demokratike, ka folur në lidhje me tërheqjen e kandidatit të Lezhës, Salvador Kaçaj nga gara e zgjedhjeve lokale.
Patozi është shprehur për “Abcnews”, se në lidhje me këtë çështje nuk ka asnjë reagim zyrtar, dhe se kandidati nuk e ka vënë në dijeni.
Po ashtu, koordinatori i Bindjes Demokratike, ka mohuar që mes tij dhe Salvador Kaçaj të ketë pasur probleme.
“As e pohoj as e përgënjeshtroj këtë fakt, sepse personi vetë nuk ka ardhur dhe është qesharake që brenda 1 minute të bëhet i ditur kandidimi dhe heqja dorë. Edhe ju vetë nuk keni marrë një reagim personalisht nga Kaçaj për këtë. Gjithsesi, në çdo betejë qëndrojnë ata që kanë këllqe dhe ikin ata qe s’kanë këllqe. Bindja Demokratike do eci përpara dhe ne jemi të vendosur. Pres që kjo gjë të zbardhet dhe të vijë vetë personi të na e bëj të ditur”, u shpreh Patozi./ Opinion.al E.Xh.
