Edmond Spaho, deputeti i Partisë Demokratike u shpreh se kandidatët e Alibeajt që u tërhoqën nga gara e panë se ai grup njerëzish që hiqet sikur përfaqëson PD është thjesht një grumbull individësh pa ide dhe pa forcë në terren.
Gjatë një interviste në “A2”, Spaho tha se ata u tërhoqën sepse e panë që ishin pa mbështetje dhe po përdoreshin “si mish për top” nga Alibeaj, nga Basha dhe ndonjë tjetër që hiqet sikur e drejton atë grup
“Më mirë vonë se sa kurrë. Kandidatët, këta që u tërhoqën gjatë kësaj jave, panë edhe njëherë që ai grup njerëzish që hiqet që përfaqëson PD-në është një grumbull njerëzish pa ide, por në radhë të parë pa forcë në terren. Fakti që nga 61 bashki, kandidojnë më pak se 20 individë, gati 1/9-a dhe 2/3-tat nuk i plotëson dot. Të gjithë e panë qartë që ky grup njerëzish ishte pa mbështetje dhe po përdoreshin “si mish për top” nga Alibeaj, nga Basha dhe ndonjë tjetër që hiqet sikur e drejton atë grup. Për rrjedhojë u kujtuan dhe bënë mirë që reflektuan dhe u tërhoqën nga gara, pasi do ti përdornin nga qëllimi i tyre për të dëmtuar opozitën”,-tha Spaho./Opinion.al
