Gjykata Federale e Apelit nuk ka pranuar të rikthejë refugjatët dhe të ndalojë hyrjen e tyre në Shtetet e Bashkuara, duke zemëruar kështu presidentin Donald Trump i cili ka premtuar se do të sfidojë vendimin.
Urdhri ekzekutiv i cili prek njerëz nga shtatë vende me shumicë myslimane është ndaluar përkohësisht nga një gjykatë e qarkut Seattle, javën e kaluar.
Ndërkohë gjyqtarët e Apelit në San Francisko lanë në fuqi këtë urdhër të përkohshëm për pezullimin e ndalimit. Vendimi i dhënë të enjten është goditja e fundit ligjore për një nga premtimet e Trump gjatë fushatës.
Në vendimin unanim të kolegjit prej tre gjyqtarësh thuhej: “Ne mendojmë se qeveria nuk ka treguar një mundësitë e suksesit në meritst e apelit të tij, as nuk ka treguar se dështimi për këtë qëndrim do të shkaktojë dëme të pariparueshme dhe për këtë arsye ne mohojmë lëvizjen emergjente për këtë qëndrim.”
Brenda pak minutash Trump ka reaguar përmes një postimi në Twitter, duke premtuar se do të kundërshtonte vendimin e gjykatës së Apelit. Mesa duket Trump do të vejë në lëvizje edhe “kartën” e tij të fundit, Gjykatën e Lartë. / opinion.al
