Dita e sotme ka nisur me mot të keq dhe për pasojë ka tërbuar edhe detin, duke shkaktuar dallgë të mëdha në Vlorë. Sipas raportimeve të para, dallgët kanë arritur deri në 9 ballë.
Për shkak të dallgëve dhe erës së fortë është pezulluar lundrimi për anijet e peshkimit dhe anijet tregtare në Vlorë. Ndërsa në Durrës situata paraqitet e qetë dhe pa probleme për lundrimet në det.
Dita e sotme në vend ka filluar me reshje të shumta shiut dhe me dëborë në zonat malore. Zona si rrethi i Pukës është zbardhur tërësisht nga dëbora, ndërsa trashësia e borës në Qafen e Malit ka arritur në 10 cm. Autoritetet këshillojnë të evitohen lëvizjet në Qafë Mali pa zinxhir. Po kështu mësohet se nuk kanë ndërhyrë ende borëpastrueset për heqjen e borës dhe akullit nga rrugët. Në zonë janë vetëm elektricistët që po punojnë për rikthimin e energjisë.
Po ashtu aksi rrugor Librazhd-Bulqizë është i pakalueshëm. Segmenti Shkalla e Lunikut-Steblevë është i bllokuar nga reshjet e shumta të dëborës. Trashësia në Steblevë ka arritur rreth 50 cm. Nga ana tjetër në zonën e Didrës vijojnë që të jenë izoluara zonat si Trebisht, Lurë, Kala e Dodës, Ostren dhe Selishtë, ndërsa trashësia e dëborës ka arritur në 70 centimetra.
Por jo vetëm në Dibër, edhe në Theth dhe zona të tjera të thella në Dukagjin kanë probleme me qarkullimin nga dëbora. Në Pukë si pasojë e reshjeve të dëborës është bllokuar rruga në fshatin Iballë. Ka probleme në aksin rrugor Pukë – Fushë Arrëz. Banorët kërkojnë ndërhyrjen e mjeteve te ARRSH për zhbllokimin e rrugës ku në segmente te caktuara trashësia i kalon 40 cm.
Në të gjithë qarkun vijon përkeqësimi i motit, pasi reshjet e borës vazhdojnë me intensitet të lartë. Gjatë gjithë natës kanë vijuar reshjet e dendura të dëborës, ndërsa janë disa zona të izoluara. Vijojnë që të jenë izoluara zonat si Trebisht, Lurë, Kala e Dodës, Ostren dhe Selishtë, ndërsa trashësia e dëborës ka arritur në 70 centimetra.
Përpos këtyre zonave, është bllokuar edhe dogana e Trebishtit nga rrëshqitja e dherave në rrugë. Kjo doganë lidh zonën e Gollobordës me Maqedoninë. Por jo vetëm në Dibër, edhe në Theth dhe zona të tjera të thella në Dukagjin ka probleme me qarkullimin nga dëbora.
Aksi Librazhd-Bulqizë është i pakalueshëm, segmenti Shkalka e Lunikut-Steblevë i bllokuar nga reshjet e shumta të dëborës. Trashësia në Steblevë ka arritur rreth 50 cm, ndërsa po punohet për hapjen e rrugës.
