Arratiset mësuesi 63-vjeçar nga Tepelena, i cili u denoncua për ngacmim seksual ndaj nxënëses së tij 11-vjeçare.
Gjykata e Gjirokastrës e la në detyrim paraqitje për akuzat, ndërsa prej dy ditësh ai është larguar nga banesa.
Ai u denoncua nga familjarët e nxënëses 11-vjeçare se e kishte ngacmuar seksualisht, ndërsa Gjykata e Gjirokastrës e la të lirë në 8 qershor.
Familja e mësuesit dhe e vajzës ishin fqinjë nga fshati Luftinjë, kishin hyrje dhe dalje familjare, por sipas prindërve, ai e ka ngacmuar vajzën prej 2 vitesh.
Edhe pse u arrestua nga policia, ndërsa prokuroria nisi një hetim ndaj tij, gjykatësja Mirela Kore liroi mësuesin pa u analizuar të gjitha rrethanat dhe provat e servirura nga organi i akuzës. M.D iu dha masa detyrim paraqitje.
Lirimi i mësuesit solli përkeqësimin e gjendjes psikologjike të vajzës, e cila sipas familjarëve ka tentuar vetëhelmimin.
Prej dy ditësh ai është larguar nga banesa dhe ende nuk dihet vendndodhja e mësuesit, për të cilin dyshohet se është larguar jashtë vendit./Shqiptarja.com
