Në debate televizive dhe në fjalime, Donal Trump po ia përkujton popullit amerikan se do të vdesin.
Këto përkujtime nuk janë shumë të rënda. Nuk janë pjesë as e strategjisë së tij nëpër fushata, por në të njëjtën kohë, retorika e Trumpit ka pasur efekt në sjelljen ndërmend se vdekja është shumë afër, thotë Sheldon Solomon, psikolog në Skidmore College të New Yorkut.
Trump po ua përkujton amerikanëve vdekjen përmes fjalimeve të tij për terrorizmin, befasitë vdekjeprurëse dhe preokupimin e tij për imigrimin. Ky përqendrim i ka ndihmuar Trumpit që të fitojë votat e njerëzve që frikësohen nga vdekja. Kjo ka shtyrë ata që ta përkrahin kandidatin republikan për president.
Pjesëmarrësit e studimit të Solomonit, të cilët kanë folur për vdekjen e tyre, kanë shprehur përkrahjen e tyre për Trumpin për 1.66 herë më shumë sesa njerëzit që kanë folur më shumë për dhimbjen në përgjithësi, transmeton Koha.net.
“Nuk po them se të gjitha këto janë të llogaritura, por gati çdo gjë që thotë ai është efektive te këto shqetësime të njerëzve”, ka thënë Solomoni.
Solomoni është pjesë e një grupi të hulumtuesve që kanë shpenzuar dekada në studimin e lidhjeve mes vdekjes dhe besimeve të ndryshme njerëzore.
